Ekaściežku na samym vialikim vostravie Biełarusi adkryjuć u kancy miesiaca
Ekaściežku na samym vialikim vostravie Biełarusi adkryjuć u kancy vieraśnia. Jaje praciahłaść składaje 5 km, raskazaŭ dyrektar zakaźnika «Aśviejski» Ihar Ramaniuk.
04.09.2024 / 12:18
Fota: minpriroda.gov.by
«Samu ściežku my stvaryli. Idzie ŭładkavańnie samoj ściežki, budaŭnictva mastkoŭ, ustanoŭka znakaŭ. Budzie 5-kiłamietrovaja ściežka pa vostravie Du. Dziakujučy joj i dziakujučy źmienienaj łahistycy z hetaj ściežkaj my ŭ pierśpiektyvie možam pavialičyć patok turystaŭ minimum na 30—40%. Ściežka budzie adkryvacca ŭ kancy vieraśnia», — skazaŭ jon.
Pa słovach Ramaniuka, hałoŭnym maršrutam u zakaźniku źjaŭlajecca «Aśviejski kruiz» z naviedvańniem biaźludnaha vostrava Du — samaha vialikaha ŭ Biełarusi. Zakaźnik sioleta atrymaŭ jašče adzin katar na 11 miescaŭ. Ciapier jon moža arhanizavać kruiz z naviedvańniem vyspy dla hrupy da 18 čałaviek. U nastupnym hodzie zakaźnik raźličvaje atrymać jašče adzin katar na 12 čałaviek. Turpatok u zakaźniku vyras u hetym hodzie vyras u 3,5 raza.
Taksama na bierazie Aśviejskaha voziera zakančvajecca ŭźviadzieńnie troch hłempaŭ (kiempinhaŭ pavyšanaj kamfortnaści).
Vostraŭ Du źjaŭlajecca samym vialikim vostravam u Biełarusi. Jaho płošča — kala 5 kv. km. Raniej na im raźmiaščałasia vioska Vostraŭ. Adnak ciapier jon niezasieleny.