Minski padletak paškodziŭ 11 mašyn na parkoŭcy
U apieratyŭna-dziažurnuju słužbu Pieršamajskaha RUUS źviarnulisia žychary rajona, aŭtamabili jakich nieviadomyja paškodzili ŭ načny čas.
04.09.2024 / 11:09
Chutka złamyśnika i zatrymali, paviedamlaje telehram-kanał «Milicyja Minska». Im akazaŭsia 16-hadovy pieršakurśnik adnoj z vyšejšych zamiežnych navučalnych ustanoŭ.
Idučy dadomu paśla sustrečy z tavaryšam, zdymaŭ z aŭtamabilaŭ numarnyja znaki i raźbivaŭ šyby.
Svaje dziejańni chłopiec patłumačyŭ tym, što byŭ u stanie ałkaholnaha apjanieńnia. Suma naniesienaj škody ŭstanaŭlivajecca. Jaje daviadziecca kampiensavać niepaŭnaletniamu i jaho baćkam.
Zaviedziena kryminalnaja sprava za chulihanstva.