Biełarusaŭ, jakija žyvuć u Litvie, razvodziać ad imia Departamienta dziaržaŭnaj biaśpieki
Niekatoryja biełarusy, jakija žyvuć u Litvie, źviarnulisia ŭ miascovy Departamient mihracyi z paviedamleńniem, što im pastupajuć zvanki nibyta z Departamienta dziaržaŭnaj biaśpieki (DDB) Litvy z patrabavańniem pryjechać u ofis hetaj arhanizacyi dla zapaŭnieńnia ankiety, piša Delfi.lt. Pry hetym im zadajuć pytańni, datyčnyja dziejnaści biełaruskaj demakratyčnaj apazicyi.
03.09.2024 / 18:45
Čałaviek, jaki zvonić biełarusam ad imia DDB, razmaŭlaje pa-litoŭsku i pa-rusku.
Departamient mihracyi papiaredžvaje: takija zvanki — falšyvyja, nasamreč sapraŭdny DDB nijakija ankiety zapaŭniać nie zaprašaje.
Žycharam, jakim pastupili padazronyja zvanki, rekamiendujecca być pilnymi, nie ŭstupać u razmovy i nieadkładna paviedamić pra heta pa telefonie 112.
Akramia taho, tym, chto sutyknuŭsia z padobnymi vypadkami, rajać paviedamić pra heta ŭ Departamient dziaržaŭnaj biaśpieki pa telefonie +370 700 70 007 abo pa eł. pošcie pranesk@vsd.lt.
U Biełarusi źjaviŭsia novy vid machlarstva — ludziam telefanujuć nibyta padatkaviki
Źjaviłasia novaja schiema telefonnaha machlarstva. Pryčym telefanujuć ź biełaruskich numaroŭ
Jak zamianić biełaruskaje paśviedčańnie kiroŭcy na polskaje ci litoŭskaje