Šry-Łanka daterminova ŭviała biaźviz dla biełarusaŭ
Biaźvizavy režym zapracavaŭ na miesiac raniej.
03.09.2024 / 18:52
Foto: srilanka.lk
Šry-Łanka ŭviała biaźvizavy režym dla hramadzian Biełarusi i jašče 37 krain.
Pieršapačatkova biaźviz pavinien byŭ zapracavać z 1 kastryčnika. Adnak ułady Šry-Łanki vyrašyli ŭvieści jaho daterminova z 2 vieraśnia.
«Kabiniet ministraŭ upaŭnavažyŭ prezidenta ŭvieści biaźvizavy režym dla hramadzian 38 krain ź nieadkładnym ustupleńniem u siłu, pryniaŭšy sinhapurski mietad «adnaho štampa». Heta rašeńnie dapamoža skaracić čerhi na stojkach vydačy viz», — napisaŭ u X ministr zamiežnych spraŭ krainy Ali Sabry.
Testavy biaźvizavy pieryjad budzie doŭžycca da 31 sakavika. Biełarusy, a taksama hramadzianie jašče 37 krain, zmohuć znachodzicca ŭ Šry-Łancy bieź vizy nie bolš za 30 dzion. Dazvoł na znachodžańnie ŭ vyhladzie štampa možna budzie atrymać u aeraporcie pa prylocie.
Źmianilisia praviły znachodžańnia biełarusaŭ u Kyrhyzstanie. Stanie składaniej
Za dva hady kolkaść pajezdak litoŭskich hramadzian u Biełaruś skaraciłasia ŭ piać razoŭ
Biełarusam nie treba budzie zdavać bijamietryju pry ŭjeździe ŭ Rasiju
Stała viadoma, kolki jeŭrapiejcaŭ naviedała Biełaruś pa pašyranym biaźvizie