Siłaviki zatrymali aktyvista biełaruskaj dyjaspary Maskvy — jon pisaŭ listy palitviaźniam

Paviedamlajecca, što mužčyna pryjechaŭ z rasijskaj stalicy ŭ Biełaruś, dzie jaho zatrymali.

03.09.2024 / 15:07

Ilustracyjnaje fota: Sefa Karacan / Anadolu Agency via Getty Images

Na videa, jakoje apublikavali siłaviki, mužčyna kaža, što źjaŭlajecca hramadzianinam Rasii, pracuje ŭ NDI «Uschod».

Jon byŭ padpisany na hrupu «Biełarusy Maskvy», udzielničaŭ u akcyjach dyjaspary la pasolstva Biełarusi ŭ rasijskaj stalicy.

@nashaniva Za palityku zatrymali šmatdzietnuju dyrektarku bara ŭ Biarozaŭcy. Represii nie spyniajucca #biełaruś #svoboda #vłasť #pravitielstvo #biełaruśsiejčas #łukašienko #palitviaźni #našaniva ♬ Aware - Adrián Berenguer

Taksama mužčyna skazaŭ, što arhanizoŭvaŭ adzinočny pikiet suprać vajny va Ukrainie i pisaŭ listy palitviaźniam. Akramia taho, mužčynu, miarkujučy z usiaho, abvinavačvajuć u tym, što ŭ jaho znajšli ślady bota «Pieramoha» i reposty ź niezaležnych ŚMI i kanałaŭ.

Blizki da siłavikoŭ kanał paviedamlaje, što zatrymanaha čakaje kryminalnaja sprava. Adnak nieviadoma, pa jakim artykule.

Nashaniva.com