Ułady ZŠA aryštavali samalot kiraŭnika Vieniesueły Nikałasa Madura
Pra prablemy ź vieniesuelskim «bortam №1» paviedamlajuć krynicy telekanała CNN. Pryčynaj kanfiskacyi stała nibyta toje, što łajnier byŭ nabyty ŭ parušeńnie amierykanskich sankcyj.
02.09.2024 / 19:14
Nikałas Madura. Fota: AP Photo/Ariana Cubillos
Samalot koštam 13 młn dalaraŭ u apošnija miesiacy znachodziŭsia ŭ Daminikanskaj Respublicy. ZŠA adahnali jaho ŭ Fłarydu, pieradaje telekanał. U kanfiskacyi ŭdzielničali niekalki fiederalnych ahienctvaŭ.
«Heta pasyłaje sihnał na samy vierch. Zachop samalota kiraŭnika zamiežnaj dziaržavy — niečuvanaja reč dla kryminalnych spraŭ. My pasyłajem vyrazny sihnał, što nichto nie staić vyšej za zakon i nichto nie znachodzicca pa-za dasiažnaściu sankcyj ZŠA», — skazaŭ CNN adzin z amierykanskich čynoŭnikaŭ.
Nahadajem, što 28 lipienia ŭ Vieniesuele prajšli prezidenckija vybary. Padkantrolny ŭradu krainy vybarkam zajaviŭ, što Madura, jaki da hetaha kiravaŭ krainaj na praciahu dvuch prezidenckich terminaŭ, atrymaŭ padtrymku 51,2 adsotka vybarščykaŭ. Pry hetym mižnarodnyja naziralniki da vybaraŭ dapuščanyja nie byli. Falsifikacyja vybaraŭ vyklikała masavyja pratesty.
U Jeŭropie damovilisia nie pryznavać abrańnie Madura prezidentam Vieniesueły
ZŠA prapanujuć Madura admovicca ad ułady ŭ Vieniesuele ŭ abmien na harantyi biaśpieki
Vieniesuelski dyktatar Madura vyklikaŭ Maska na pajadynak. Toj pahadziŭsia i pastaviŭ umovy
Łukašenka paśpiašaŭ pavinšavać Maduru ź pieramohaj na vybarach prezidenta Vieniesueły