U śniežni Biełaruś i Rasija źbirajucca padpisać damovu ab harantyjach biaśpieki
2 vieraśnia ministr zamiežnych spraŭ Biełarusi Maksim Ryžankoŭ u svajoj lekcyi padčas uračystaha mierapryjemstva ŭ Pałacy Respubliki, pryśviečanaha pačatku navučalnaha hoda ŭ Akademii kiravańnia, paviedamiŭ pra namier praź niekalki miesiacaŭ padpisać z Rasijaj novuju važnuju miždziaržaŭnuju damovu.
02.09.2024 / 18:21
Ryžankoŭ źviarnuŭ uvahu na dasiahnuty ŭ apošnija hady rekordny ŭzrovień i vynikovaść kantaktaŭ z Rasijskaj Fiederacyjaj. Pavodle jaho, «aktualizujecca i vykonvajecca prahrama ŭzhodnienych dziejańniaŭ u halinie źniešniaj palityki», a taksama «ŭražlivyja ličby dasiahnutyja ŭ tavaraabarocie i eksparcie».
Urešcie ministr anansavaŭ:
«Da 25-hodździa padpisańnia Damovy ab Sajuznaj dziaržavie, jakuju budziem śviatkavać u śniežni hetaha hoda, my płanujem padpisać z Rasijaj miždziaržaŭnuju damovu ab harantyjach biaśpieki dźviuch krain, dzie budzie zakładzieny pryncyp vykarystańnia jadziernaha ŭzbrajeńnia i zvyčajnaha ŭzbrajeńnia, a taksama inšych mietadaŭ abarony abiedźviuch krain, jakija ŭvachodziać u skład Sajuznaj dziaržavy».
Łatuška prapanavaŭ jeŭrapiejcam zaprasić Ryžankova pry adnoj umovie
«Jeŭropa adpačyvaje». Ryžankoŭ pra ŭražańni ad vizitu ŭ KNDR
Nie damovilisia? Takoj zakrytaj sustrečy pamiž Pucinym i Łukašenkam jašče nie było