U Minsku pačaŭsia sud pa spravie startap-chaba «Imahuru»
U Minskim haradskim sudzie na siońnia pryznačany razhlad kryminalnaj spravy suprać Taćciany Marynič, Anastasii Chamiankovaj, a taksama Jaŭhiena Puhača.
02.09.2024 / 11:44
Ich abvinavačvajuć ahułam pavodle dziesiaci artykułaŭ Kryminalnaha kodeksu, u tym liku pavodle č. 1 art. 357 KK «zmova ci inšyja dziejańni, učynienyja z metaj zachopu dziaržaŭnaj ułady».
Taćcianu Marynič i Anastasiju Chamiankovu buduć sudzić zavočna, a Jaŭhien Puhač utrymlivajecca pad vartaj ź lipienia 2023 hoda. Spravu pryznačana vieści Luboŭ Simachina, piša «Viasna».
Pavodle śledstva, akramia inšaha, Marynič i Chamiankova majuć dačynieńnie da «ŭčynieńnia šerahu złačynstvaŭ ekstremisckaj nakiravanaści».
Jany nibyta «stvaryli i kiravali ekstremisckim farmiravańniem, na internet-resursach jakoha raźmiaščali ekstremisckija materyjały, nakiravanyja na padtrymku masavych biesparadkaŭ, jakija prachodzili ŭ 2020 hodzie».