U Hiermanii skrali traktar «Biełarus» časoŭ HDR
Košt aceńvajecca ŭ 10 tysiač jeŭra.
02.09.2024 / 08:19
Fota: sht-bu.ru
U niamieckaj ziamli Mieklenburh — Piaredniaja Pamieranija nieviadomyja sahnali ŭ fiermiera stary traktar» Biełarus « z pres-padborščykam, piša «Biełaruś i śviet».
Sielskahaspadarčaja mašyna z naviasnym abstalavańniem źnikła jak miarkujecca, u noč na 16 žniŭnia z apracoŭvanaha łuha la šašy B104 niedaloka ad horada Rena.
Technika časoŭ HDR, na jakoj tut pravodziłasia praca, była pakinuta na ciomny čas sutak pad drevami. Jaje košt aceńvajecca ŭ 10 tysiač jeŭra.
Rasśledavańniem spravy zaniałasia palicyja, jakaja sabrała dokazy na miescy złačynstva. Taksama i sami paciarpiełyja šukajuć mahčymych śviedak praz sacsietki.