Padčas abstrełu Kijeva było źbita bolš za 20 kryłatych i balistyčnych rakiet
Abłomki rakiet upali ŭ čatyroch rajonach Kijeva, dzie zaharelisia aŭtamabili i byli paškodžanyja niežyłyja pamiaškańni.
02.09.2024 / 07:12
Ilustracyjnaje fota pres-słužby Minabarony RF / AP
Kiraŭnik Kijeŭskaj haradskoj administracyi Siarhiej Papko raspavioŭ, što padčas načnoha abstrełu Kijeva siły SPA źbili bolš za dziesiać kryłatych rakiet i kala dziesiaci — balistyčnych.
«Nievierahodna vialikaja kolkaść balistyčnych rakiet adnačasova», — piša pry hetym Papko.
Pavodle jaho infarmacyi, kryłatyja rakiety (mahčyma, Ch-101) byli, chutčej za ŭsio, vypuščanyja kala troch hadzin nočy z rasijskich stratehičnych bambardziroŭščykaŭ, jakija znachodzilisia ŭ rajonie Sarataŭskaj vobłaści.
«Na Kijeŭ hetyja rakiety zachodzili paśla składanych manieŭraŭ z paŭdniovaha napramku», — śćviardžaje kiraŭnik Kijeŭskaj administracyi.
«Adnačasova z padlotam da stalicy kryłatych rakiet vorah vypuściŭ pa Kijevie i pryharadach balistyčnyja rakiety KN-24/»Iskander-M». Da hetaha ŭsiaho jašče dadaŭsia adzin Udarny BPŁA», — dadaje Papko.
Ź jahonych słoŭ, abłomki rakiet upali ŭ čatyroch rajonach Kijeva, dzie zaharelisia aŭtamabili i byli paškodžanyja niežyłyja pamiaškańni.
Mer Kijeva Vital Kličko ŭdakładniaje, što pa stanie na 06:25 pa miascovym časie pa dapamohu da daktaroŭ źviarnulisia dvoje darosłych, adzin ź jakich byŭ špitalizavany.
U Śviatošynskim rajonie paškodžany čatyry aŭtamabili, dvuchpaviarchovy niežyły budynak, šapiki kala stancyi mietro «Śviatošyn» i šklany ŭvachod u stancyju, piša Kličko. Sama stancyja praciahvaje pracavać, praciahvaje jon.
U Hałasiejeŭskim rajonie paškodžana kacielnia, a ŭ Šaŭčenkaŭskim «adbyłosia ŭzharańnie na terytoryi adnaho z pradpryjemstvaŭ».