Źmianili paradak vypłaty piensij i dapamoh — detali
Unieśli źmiany ŭ Instrukcyju ab paradku vypłaty piensij, dapamoh i inšych sacyjalnych vypłat praz abjekty paštovaj suviazi.
01.09.2024 / 19:01
Źmieny pryniaty pastanovaj Ministerstva suviazi i infarmatyzacyi i Ministerstva pracy i sacyjalnaj abarony ad 19 žniŭnia 2024 h. №20/66, piša Myfin.by.
Pašyrany pieralik vyklučnych vypadkaŭ, pry jakich piensija i dapamohi vypłačvajucca daterminova.
Ciapier hetyja vypłaty možna budzie atrymać u paštovym adździaleńni daterminova ŭ vypadkach, kali čałaviek znachodzicca ŭ sanatorna-kurortnaj arhanizacyi ci nakiravany na špitalizacyju abo abśledavańnie. Piensijanieru treba budzie pradjavić dakumient, jaki paćviardžaje takija vypadki.
Akramia taho, pastanovaj vyznačany paradak vypłat u vypadku nieadpaviednaści danych ab proźviščy atrymalnika, imia, imia pa baćku (kali takoje majecca), jakija źmiaščajucca ŭ elektronnaj viedamaści, z danymi dakumienta, jaki śviedčyć asobu.
U nazvanych vypadkach možna atrymać piensiju, dapamohu, a taksama inšuju sacyjalnuju vypłatu, naličanyja na papiarednija danyja, pradjaviŭšy dakumient, jaki paćviardžaje adpaviednyja źmieny.
Pastanova ŭstupaje ŭ siłu z 31 žniŭnia 2024 hoda.