Dačniki pad Homielem pratestujuć suprać arendy voziera. Nie abyšłosia bieź milicyi
Uładalniki dačnych učastkaŭ u rajonie vioski Cykuny Homielskaha rajona pakazali, jak sprabujuć abaranić voziera ad zdačy ŭ arendu.
01.09.2024 / 18:41
Kala voziera Cykuny sabralisia žychary, kab vystupić suprać zdačy jaho ŭ arendu. Skryny videa ŭ tyktoku
Videa było źniataje jašče 23 žniŭnia, ciapier dačniki vyrašyli pakazać videa hramadskaści, zaŭvažyŭ «Fłahštok».
Padčas sustrečy z pradstaŭnikami miascovych uładaŭ, viedamstvaŭ i arandatarami vadajoma dziasiatki dačnikaŭ vystrailisia ŭzdoŭž bieraha voziera i skandavali: «Nie arendzie!». Za ich dziejańniami nazirała milicyja, adnak u toj dzień abyšłosia biez zatrymańniaŭ.
Kab supraćstajać abmiežavańniam, jakija ŭźnikajuć paśla arendy vadajoma, dačniki sabrali ŭžo kala 600 podpisaŭ.