Bratu zasnavalnika EPAM Siamionu Dobkinu prysudzili 6,5 hoda strohaha režymu
Jon uznačalvaŭ kampaniju HSKB, jakaja źjaŭlajecca najbujniejšaj ciepłatechničnaj kampanijaj na terytoryi Biełarusi.
01.09.2024 / 17:56
Źleva naprava: Siamion Dobkin, Juryj Žułajeŭ. Fota: «Naša Niva», gksb.by
U sudzie Leninskaha rajona Bresta skončyŭsia praces nad kiraŭnikami HSKB — Siamionam Dobkinym i jaho namieśnikam Juryjem Žułajevym.
Abodva atrymali pa 6,5 hoda kałonii strohaha režymu.
Ich vinavacili pa treciaj, samaj surjoznaj častcy artykuła 430 KK, «atrymańnie chabaru». Sutnaść abvinavačańnia i akaličnaści spravy dahetul nieviadomyja. Pakarańnie pa artykule mahło skłaści ad 5 da 15 hadoŭ.
76-hadovy Siamion Dobkin — brat zasnavalnika EPAM Arkadzia Dobkina. Arkadź žyvie ŭ ZŠA, jon nie viartaŭsia ŭ Biełaruś z taho času, jak Łukašenka nazvaŭ jaho «drobkinym» i abvinavaciŭ u finansavańni pratestaŭ.