Buzava zajaviła, što na jaje kancert u Lidzie sabrałasia 100 tysiač čałaviek
Biaspłatny kancert rasijskaj pop-śpiavački Volhi Buzavaj u Lidzie arhanizavali miascovyja ŭłady ŭ ramkach fiestyvalu «CharčFest» da Dnia horada.
01.09.2024 / 17:41
Fota: telehram-kanał «Lidskij (nie)oficialno»
Sama Buzava była ŭ zachapleńni, što stolki narodu pryjšło jaje pasłuchać.
«U mianie prosta niama słoŭ. Kali treba tłumačyć, to nie treba. Bolš za 100 tysiač čałaviek siońnia było na maim kancercie. I heta moj rekord za ŭsiu maju karjeru, heta vaš rekord!» — dzialiłasia śpiavačka ŭ sacsietkach.
Fota: storys u instahramie Buzavaj
Jana padziakavała administracyi horada za pryjom.
Kancert Buzavaj prajšoŭ 31 žniŭnia ŭ Lidzie. Fota: telehram-kanał «Lidskij (nie)oficialno»
Arhanizatary sustreli Buzavu pierad kancertam vielizarnaj talerkaj z roznymi vidami kaŭbasy ŭ hateli.
«Ja prosta ŭ šoku. Biełaruś viedaje, što ja lublu. Voj, nu jak heta ŭsio źjeści. Heta treba zabrać, spakavać heta z saboj. Heta ŭ Maskvu», — radavałasia Buzava takoj uvazie.
Akramia kaŭbasy, joj u numar zanieśli taksama frukty i haračyja buterbrody.
Fota: storys u instahramie Buzavaj
U Minsku Buzava chadziła na šopinh — u kramu Zara, jakija paśla pačatku vajny zakrylisia ŭ Rasii.
Raniej u Lidzie prachodziŭ znakamity muzyčny fiestyval Lidbeer. Ale sioleta ŭłady horada vyrašyli ad jaho admovicca.