Kiroŭcu-biaspraŭnika vyličyli ŭ Minsku pa kamiery videanazirańnia
U sud nakiravana kryminalnaja sprava ŭ dačynieńni da 33-hadovaha žychara stalicy, jaki nieadnarazova kiravaŭ transpartnym srodkam, nie majučy vadzicielskaha paśviedčańnia, piša «Minsk-Naviny».
01.09.2024 / 10:33
U mužčyny nikoli nie było vadzicielskich dakumientaŭ, adnak heta nie pieraškodziła jamu nabyć hruzavy aŭtamabil i jeździć na im.
U śniežni 2023 hoda na vuł. Prytyckaha mužčynu za rulom IVECO spynili supracoŭniki DAI. U adnosinach da biaspraŭnika tady skłali administracyjny pratakoł. Jon atrymaŭ štraf u pamiery 19 bazavych vieličyniaŭ.
Praz try miesiacy jon znoŭ kiravaŭ aŭtamabilem — na hety raz jaho pryciahnuli da administracyjnaj adkaznaści, pakaraŭšy štrafam užo ŭ 30 BV.
Ale navat paśla hetaha mužčyna nie zrabiŭ vysnoŭ i ŭ krasaviku na svaim IVECO pajechaŭ na zapraŭku, što na vuł. Vaŭpšasava.
Nieŭzabavie jamu patelefanavali ź milicyi — fakt kiravańnia im transpartnym srodkam zafiksavali kamiery videanazirańnia. U dačynieńni da biaspraŭnika raspačali kryminalnuju spravu.
— Abvinavačany zarehistravany indyvidualnym pradprymalnikam. Jamu pradjaŭlena abvinavačańnie ŭ kiravańni transpartnym srodkam asobaj, jakaja nie maje prava kiravańnia hetym srodkam, kali hetaje dziejańnie ździejśniena nieadnarazova (č. 1 art. 317-2 KK Respubliki Biełaruś).