Darju Domračavu z mužam zaŭvažyli na śvieckaj tusoŭcy ŭ Minsku FOTY
Alimpijskaja pryziorka Darja Domračava nie lubić pakazvać žyćcio svajoj siamji ŭ sacyjalnych sietkach. Ale raptoŭna jana — razam z mužam Ole-Ejnaram Bjorndalenam — zaśviaciłasia na tusoŭcy ŭ minskim restaranie «Anioły».
30.08.2024 / 08:00
Darja Domračava i Ole-Ejnar Bjorndalen. Tut i dalej skrynšoty storys Śviatłany Hleb
Tam śviatkavała dzień naradžeńnia žonka futbalista Alaksandra Hleba, błohierka sa 101 tysiačaj padpisčykaŭ u instahramie Śviatłana Hleb. Tematykaj śviata vybrali 1990-yja, ale mienavita toj styl, jaki aktyŭna kultyvujecca ŭ kino i sacyjalnych sietkach, tamu niekatoryja hości pryjšli ŭ vopratcy nieonavych koleraŭ.
Viadučym śviata staŭ Illa Konanaŭ, a American Boy i «Pohodu v domie» śpiavała zasłužanaja artystka Biełarusi Natalla Tamieła. Siarod zaprošanych milhali futbalist Viačasłaŭ Hleb z žonkaj, biznesvumien Volhaj Hleb, błohierka-dyjetołah Iryna Jabłonskaja, ale samaj zornaj paraj stali tytułavanyja bijatłanisty Darja Domračava i Ole-Ejnar Bjorndalen. Ich vobrazy byli davoli strymanyja.
Darja Domračava radujecca pravilnamu adkazu. Jaje muž vietliva ŭśmichajecca
Hierainia Biełarusi z zachapleńniem udzielničała ŭ roznych aktyŭnaściach, radavałasia pieramoham svajoj kamandy i tančyła pad pieśniu «Siedaja noč».
Domračava navat padzialiłasia svaim dziciačym fotazdymkam: u adnym z konkursaŭ haściam treba było adhadać, chto ž z prysutnych na fota. U dziaŭčyncy ŭ savieckaj školnaj formie, jakaja trymaje ŭ rukach kvietki i bukvar, budučuju alimpijskuju čempijonku paznali davoli chutka. Kali heta atrymałasia, Darja śviaciłasia ad ščaścia. A voś pa Bjorndalenie składana skazać, ci byŭ jon poŭny entuzijazmu i zachapleńnia ad mierapryjemstva.
Domračava i Skardzina dałučylisia da čelendžu, kab sabrać hrošy na reabilitacyju dački Arzamasavaj
Bjorndalen: My z Domračavaj u Biełarusi vajny nie adčuvajem