Papiera, čamadany, padhuźniki… Urad pašyryŭ pieralik tavaraŭ, zabaronienych da ŭvozu ŭ Biełaruś z «niedružalubnych krain»
Vydadziena adpaviednaja pastanova, jakuju padpisaŭ premjer-ministr Raman Hałoŭčanka. Jana pačnie dziejničać z 15 kastryčnika, paviedamlaje pres-słužba ŭrada.
28.08.2024 / 22:04
Zhodna z hetaj pastanovaj, pieralik zabaronienych da ŭvozu i realizacyi na terytoryi Respubliki Biełaruś tavaraŭ, jakija pachodziać z «niedružalubnych krain», dapoŭnieny nastupnymi pazicyjami:
- polietylen vysokaha cisku,
- šynnaja pradukcyja,
- plity OSB,
- faniera,
- stalarnyja i ciaślarnyja vyraby,
- papiera i sanitarna-hihijeničnyja vyraby,
- papiera i kardon, u tym liku hafryravanyja,
- ryźzio,
- škłovałakno, uklučajučy škłavatu.
Taksama asobna zabaroniena ŭvozić i realizoŭvać na terytoryi Biełarusi nastupnyja tavary, jakija pachodziać z Polščy, Čechii, Litvy, Łatvii i Estonii:
- sumki i čamadany,
- špalery,
- plitka kieramičnaja,
- sanitarna-techničnyja vyraby,
- chaładzilniki, marazilniki i inšaje chaładzilnaje abo marazilnaje abstalavańnie,
- pralnyja mašyny,
- padhuźniki i pialuški.
Padpisanaja pastanova prezientujecca jak miera ŭ adkaz na pryniatyja Jeŭrapiejskim Sajuzam pastanovy ab pašyreńni z 1 lipienia 2024 hoda sankcyj u dačynieńni da Respubliki Biełaruś.
Hałoŭčanka: Situacyja na valutnym rynku ŭstojlivaja, raście davier da biełaruskaha rubla