У Ляхавічах згарэў школьны аўтобус
Пра пажар у школьным аўтобусе ў Ляхавічах паведамілі ў Брэсцкім абласным упраўленні МНС.
28.08.2024 / 17:06
Падчас загарання аўтобуса ПАЗ у ягоным салоне нікога не было. Аднак пацярпеў 52-гадовы кіроўца, які атрымаў апёкі пры спробе самастойна патушыць пажар. Мужчына быў дастаўлены ў бальніцу.
Пажар быў ліквідаваны ратавальнікамі, аднак салон аўтобуса знішчаны агнём. Таксама пашкоджаныя маторны адсек і лакафарбавае пакрыццё.
Прычына загарання высвятляецца.
У Асіповічах дзеці чысцілі ровар у гаражы і ледзь не загінулі — на іх загарэлася адзенне
Пад Мінскам загарэлася аўтамыйка для грузавікоў, ёсць пацярпелыя
У Аўстрыі ў цягач беларуса ўляцеў матацыкл, узнік вялікі пажар