Ukraincy nočču atakavali jašče adnu naftabazu ŭ Rastoŭskaj vobłaści
Ukraincy nočču 28 žniŭnia atakavali jašče adnu naftabazu ŭ Rastoŭskaj vobłaści — hetym razam u Kamienskim rajonie. Ciapier u Rastoŭskaj vobłaści harać dźvie naftabazy adnačasova.
28.08.2024 / 07:42
Pavodle papiarednich źviestak miascovych kanałaŭ, harać reziervuary kambinata «Atłas». Jość vialikaja ryzyka, što ahoń pierakiniecca na susiednija jomistaści, jak heta adbyvajecca ŭ Praletarsku.
Kiraŭnik vobłaści Hołubieŭ u telehram-kanale paviedamiŭ tolki pra toje, što «kala 03:00 nočy ŭ Rastoŭskaj vobłaści źbita 4 BPŁA. Pavodle papiarednich źviestak, paciarpiełych niama. Infarmacyja ŭdakładniajecca».
Z momantu pačatku pracy kambinat «Atłas» śpiecyjalizujecca na zachoŭvańni naftapraduktaŭ. Taksama kambinat adpuskaje naftapradukty dla rasijskaha vojska.
Raniej kambinat užo atakavali — 3 žniŭnia tudy ŭžo prylatali drony USU, ale ahoń udałosia chutka patušyć.