U litoŭskich Miednikach na miažy ź Biełaruśsiu znajšli vielmi niezvyčajnuju kantrabandu
13 žniŭnia na pamiežnym kantrolna-prapusknym punkcie «Miedniki» (ź biełaruskaha boku «Kamienny Łoh») litoŭskija mytniki ŭ pasažyrskim aŭtobusie, jaki ruchaŭsia ź Minska ŭ Vilniu, zatrymali kantrabandnuju partyju najaŭnych hrošaj, piša Delfi.lt. Sama pa sabie situacyja banalnaja, ale ŭ hetaj kankretnaj byŭ niezvyčajny niuans.
28.08.2024 / 00:59
Užo ŭ pačatku nadhladu mytniki vyjavili ŭ kiroŭcy aŭtobusa 8 błokaŭ (80 pačkaŭ) nielehalnych cyharet. Paśla składańnia pratakoła ab administracyjnym pravaparušeńni nadhlad byŭ praciahnuty. I ŭžo padčas jaho znajšli kudy bolš intryhoŭnuju kantrabandu.
U baku-rukamyjnicy supracoŭniki mytni vyjavili pakiet z kantrabandnaj partyjaj najaŭnych hrošaj u valucie roznych krain, siarod jakich i zusim ekzatyčnyja. Usiaho było vyjaŭlena i kanfiskavana 500 000 rasijskich rubloŭ, 242 016 novych turkmienskich manataŭ, 9 625 hambijskich dałasi, 200 jeŭra i 200 bruniejskich sien. Ahulny košt usich kanfiskavanych hrošaj składaje 70 240 jeŭra.
Aŭtobus MAZ paśla taho byŭ zatrymany, pa fakcie kantrabandy raspačali papiaredniaje rasśledavańnie, a ŭ kiroŭcy aŭtobusa kanfiskavali dakumienty.
Na litoŭska-biełaruskaj miažy pierachapili try aŭto, schavanyja ŭ tualetnaj papiery
U sicylijskim aeraporcie čatyroch biełarusaŭ zatrymali za kantrabandu cyharet
U Polščy buduć sudzić 38 kantrabandystaŭ biełaruskich cyharet