Ranicaj ź Biełarusi možna budzie pabačyć parad płaniet
Ranicaj žychary Biełarusi, jak i inšyja jeŭrapiejcy, mohuć pabačyć parad płaniet: pa adzin bok ad Sonca vystrajacca Mierkuryj, Mars, Jupiter, Uran, Niaptun i Saturn. Nie budzie ŭ hetaj kampanii tolki Vieniery, piša «Anłajnier», jaki paprasiŭ prakamientavać hetuju źjavu dyrektara Minskaha płanietaryja Alaksandra Mikuliča.
27.08.2024 / 22:53
Tak padzieja budzie vyhladać pa viersii Maskoŭskaha płanietaryja
«Płaniety buduć raskidanyja pa niebie: častka na ŭschodniaj, paŭdniova-ŭschodniaj, niekatoryja — bližej da zachadu, tak što ich jašče treba zdoleć znajści. Jarkija płaniety možna ŭbačyć u binokl ci navat niaŭzbrojenym vokam, a voś Uran i Niaptun — tolki z dapamohaj teleskopa, — tłumačyć surazmoŭca. — Paśla paŭnočy ŭzychodziać Saturn, Jupiter i Mars. Bližej da čaćviortaj hadziny ranicy źjavicca Mierkuryj».
U takoj spravie važny nie tolki čas, ale i miesca. U niebie nad Minskam, chutčej za ŭsio, atrymajecca razhledzieć niekatoryja płaniety. Ale kab razhledzieć Mierkuryj, daviadziecca pašukać miesca z adkrytym haryzontam. Płanieta budzie nizka i moža zhubicca, naprykład, za kronami dreŭ.
«Sačycie za navinami ŭ telehram-kanale Minskaha płanietaryja: kali budzie techničnaja mahčymaść i dazvolić nadvorje, to my zaprosim pahladzieć na płaniety ŭ naš teleskop», — havoryć Alaksandr Mikulič.
Šeść płaniet chutka stanuć u adzin šerah. Kali nazirać padzieju?
Minski płanietaryj šukaje mietearyt, jaki niadaŭna ŭpaŭ na Biełaruś
Astranomy patencyjna znajšli ślady siami vysokaraźvitych cyvilizacyj