54-hadovuju minčanku sudziać za dapamohu palitviaźniam. Pra jaje zatrymańnie raniej nie było viadoma
Alenie Taparkovaj pahražaje da siami hadoŭ kałonii.
28.08.2024 / 08:00
Alena Taparkova. Fota ź jaje staronki ŭ Adnakłaśnikach
Minčancy Alenie Taparkovaj 54 hady. Skončyła Biełaruskuju dziaržaŭnuju politechničnuju akademiju (ciapier — BNTU).
Imavierna, Alenu zatrymali padčas rejda na salidarnych z palitviaźniami, jaki adbyŭsia naprykancy studzienia 2024 hoda.
Sud nad Alenaj pačynajecca 5 vieraśnia ŭ Minskim haradskim sudzie. Jaje vinavaciać u «sadziejničańni ekstremisckaj dziejnaści» (č. 1 i č. 2 art. 361-4 KK). Sudzić jaje budzie Śviatłana Makarevič, jakaja doŭhi čas sudzić ludziej pa palityčnych spravach.
Fota: zubr.in
Ludzi, jakija trapili pad abłavu na salidarnych z palitviaźniami, jakaja adbyłasia z 23 pa 24 studzienia, kažuć, što lik tych, na kaho zaviali kryminalnyja spravy, moža być značna bolšy, čym viadoma pravaabaroncam. Absalutna niepubličnyja prosta rabili pieravody ci adpraŭlali pasyłki palitviaźniam z ułasnych srodkaŭ.
Va ŭsich viadomych vypadkach tym, chto dapamahaŭ palitviaźniam, prysudžali pakarańnie, źviazanaje z pazbaŭleńniem voli. Naprykład, piensijaniercy Natalli Malec, jakaja dasyłała małyja sumy z ułasnaj piensii, prysudzili try z pałovaj hady kałonii, a Irynie Pahadajevaj, jakaja dasłała palitviaźniam ahułam 188 rubloŭ, prysudzili try hady kałonii.