U Łuninieckim rajonie palaŭničy streliŭ u kukuruzu i paceliŭ u adnaviaskoŭca
U Łuninieckim rajonie mužčyna padstreliŭ svajho adnaviaskoŭca, pierabłytaŭšy jaho ź dzikaj žyviolinaj.
27.08.2024 / 16:11
U milicyju Mikaševičaŭ źviarnulisia miedyki ź miascovaj balnicy. Jany paviedamili, što ŭ miedustanovu dastavili 62-hadovaha žychara adnoj ź viosak Łuninieckaha rajona. Pavodle papiaredniaj infarmacyi, jon atrymaŭ ahniastrelnaje ranieńnie.
Padčas apieratyŭna-vyšukovych mierapryjemstvaŭ milicyjaniery ŭstanavili, što cialesnyja paškodžańni paciarpiełamu pryčyniŭ 58-hadovy adnaviaskoviec, raniej sudzimy za niezakonny abarot zbroi.
Zatrymany rastłumačyŭ milicyi, što padčas niezakonnaha palavańnia jon pačuŭ šum u pasadkach kukuruzy. Vyrašyŭšy, što natknuŭsia na dzikuju žyviolinu, jon zrabiŭ u jaje bok streł ź niezarehistravanaj palaŭničaj strelby. Pry hetym jon navat nie padumaŭ, što na poli moža znachodzicca čałaviek.
Paciarpieły pamior u balnicy.
Što viadoma pra chłopca, jakoha vinavacili ŭ zabojstvie ŭ Sierabrancy i zastrelili pry zatrymańni
U Ivanaŭskim rajonie pažyłaja žančyna patanuła va ŭłasnaj studni
U Minsku kiroŭcu stała kiepska za rulom, jon spravakavaŭ DTZ i zahinuŭ