Paŭličenka ŭznaharodziŭ vieteranaŭ śpiecnaza rasijskimi miedalami koštam u 2 jeŭra
Miedali «Za słužbu ŭ śpiecnazie» z błankam paśviedčańnia možna kupić u internet-kramach.
27.08.2024 / 16:19
Fota: «Čiesť»
24 žniŭnia prajšoŭ arhanizacyjny schod asacyjacyi vieteranaŭ śpiecnaza ŭnutranych vojskaŭ «Honar».
Na mierapryjemstvie vystupiŭ sumna viadomy były kamandzir SACHRa Dźmitryj Paŭličenka, jaki ŭznačalvaje asacyjacyju. Akramia ŭsiaho inšaha, jon uručyŭ paśviedčańni novym členam asacyjacyi, a taksama miedali tym, chto najbolš vyznačyŭsia.
Paŭličenka ŭznaharodziŭ vieteranaŭ śpiecnaza miedalami «Za słužbu ŭ śpiecnazie» ź miačami. Kanał pravaabaroncaŭ Mayday zaŭvažyŭ, što takija miedali tanna pradajucca ŭ rasijskich internet-kramach.
Tak, na adnoj ź placovak miedala z błankami paśviedčańniaŭ optam možna kupić pa źnižcy za 199 rasijskich rubloŭ — krychu mienš za 2 jeŭra pa kursie. Bieź źnižki takija miedali kaštujuć 599 rubloŭ (amal 6 jeŭra).
Były biełaruski śpiecnazaviec zahinuŭ u Rasii ad vybuchu hranaty
«Jabaćka lejtenanta Šmita», jaki vadziŭ za nos milicyju i Saŭmin, trapiŭ u SIZA
Siońnia spaŭniajecca 25 hadoŭ, jak byŭ zabity Juryj Zacharanka