U školnych stałoŭkach zabaranili pradukty z aramatyzatarami i etyłavym śpirtam
Akramia taho, utrymańnie cukru ŭ łasunkach u školnym mieniu skaracili na 25%.
27.08.2024 / 16:03
Fota: «MP»
U Biełarusi pašyryli śpis praduktaŭ, jakija zabaroniena vykarystoŭvać u školnym charčavańni.
Tak, pad zabaronu trapili pradukty, jakija ŭtrymlivajuć HMA, jadry abrykosavaj kostački, etyłavy śpirt bolš za 0,2%, sarbinavuju i bienzojnuju kisłoty, padsałodžvalniki (za vyklučeńniem pradukcyi dla lačebnaha i dyjetyčnaha charčavańnia), štučnyja charčovyja aramatyzatary, smakaaramatyčnyja rečyvy (za vyklučeńniem vanilinu), pišuć «Minsk-Naviny».
Zahadčyca adździaleńnia hihijeny dziaciej i padletkaŭ Respublikanskaha centra hihijeny, epidemijałohii i hramadskaha zdaroŭja Ała Małachava papiaredziła, što asartymient praz novyja praviły budzie abmiežavany, heta tyčycca ŭ tym liku prysmakaŭ.
«Pradpryjemstvy, kali chočuć pastaŭlać pradukcyju va ŭstanovy adukacyi, naprykład piečyva, marmieład, pavinny pra heta pamiatać», — adznačyła Małachava.
Taksama ŭ chlebabułačnych vyrabach, jakija buduć uklučanyja ŭ školnaje charčavańnie, abmiežavanaje ŭtrymańnie soli i źmienšanaja kolkaść cukru na 20-25%.
Stała viadoma, kolki buduć kaštavać školnyja abiedy ŭ novym navučalnym hodzie
Minskich školnikaŭ bolš nie buduć karmić pielmieniami, zatoje šašłyk zastajecca
Da 880 rubloŭ — u MARH raskazali, kolki kaštuje sabrać dzicia da škoły