Načalnik adździeła FSB pa baraćbie z teraryzmam pamior, padaviŭšysia kavałkam miasa. Prynamsi, takaja aficyjnaja viersija
50-hadovy pałkoŭnik FSB, načalnik adździeła pa baraćbie z teraryzmam Maksim Jaromin padaviŭsia za viačeraj 25 žniŭnia. Vyratavać jaho nie zmahli.
27.08.2024 / 13:06
Pavodle źviestak «Bazy», Jaromin adčuŭ siabie drenna padčas viačery 25 žniŭnia — jamu stała składana dychać. Pryčynaj staŭ kavałak miasa, jaki zachras u dychalnych šlachach. Jaromina terminova dastavili ŭ balnicu, ale vyratavać nie zmahli. Pryčynaj śmierci aficyjna stała miechaničnaja aśfiksija.
Jak piša vydańnie, blizkaje da siłavikoŭ, Jaromin słužyŭ u FSB. U pačatku nulavych jon jeździŭ na Kaŭkaz, mieŭ dačynieńnie da likvidacyi šerahu viadomych palavych kamandziraŭ. Jaromin dasłužyŭsia da pałkoŭnika FSB i načalnika adździeła pa baraćbie z teraryzmam, jeździŭ u kamandziroŭku ŭ Siryju. U jaho zastałosia troje dziaciej.
Taksama Jaromin byŭ zasnavalnikam najbujniejšaj ultras-hrupoŭki CSKA Red-Blue-Warriors.