Paśla aryštu Durava papularnaść Telegram u śviecie istotna vyrasła
U samoj Francyi, dzie zatrymali biznesmiena, miesiendžar zaniaŭ pieršaje miesca pa kolkaści spampovak.
27.08.2024 / 08:49
Fota: «Naša Niva»
Zatrymańnie Paŭła Durava mocna spryjaje rostu papularnaści Telegram: za niekalki dzion miesiendžar zaniaŭ druhoje miesca pa spampoŭvańniach siarod usich sacsietak u kramie AppStore u ZŠA. A ŭ Francyi — uvohule staŭ samym papularnych i ŭvajšoŭ u top-3 samych lepšych dadatkaŭ krainy pa ŭsich katehoryjach, paviedamlaje bujny partał TechCrunch.
Pavodle partału, hłabalnyja zahruzki Telegram na iOS pavialičylisia na 4%. Asnoŭnaj pryčynaj ažyjatažu nazyvajecca ŭsplesk cikaŭnaści da asoby Paŭła Durava i jahonych vykazvańniaŭ pra «svabodu słova» ŭ miesiendžary, jakija raspaŭsiudzili suśvietnyja miedyja na fonie aryštu pradprymalnika.
TechCrunch prahnazuje, što nieŭzabavie chvala papularnaści temy aryštu Durava spadzie, jak i rezki ŭzrost pakazčykaŭ Telegram.
Nahadajem, što Pavieł Duraŭ byŭ zatrymany francuzskimi śpiecsłužbami ŭ aeraporcie Paryža ŭ subotu. Biznesmienu vystavili padazreńnie ŭ datyčnaści da 12 surjoznych złačynstvaŭ.
Telegram vystupiŭ z aficyjnaj zajavaj nakont zatrymańnia Durava
«Heta ni ŭ jakim razie nie palityčnaje rašeńnie». Makron prakamientavaŭ zatrymańnie Paŭła Durava
Pakul Duraŭ siadzić, na jaho vykazała pretenzii vienhierskaja anlifanščyca Dyjana