Siamja pakazała, jak zrabiła ramont za $2500
Błohierka vykłała ŭ tyktoku videa «da» i «paśla» i patłumačyła, na čym udałosia sekanomić.
26.08.2024 / 18:07
Tak vyhladaŭ pakoj da ramontu. Skryn videa z tyktoku
Siamja Hanny žyvie pad Minskam u siamiejnym internacie. Ahulnaja płošča ich pakoja z sanvuzłom i kuchniaj — 32 kvadratnyja mietry.
Kali jany zajechali, to pakoj vyhladaŭ nie vielmi pryvabna, tamu rašyli zrabić ramont sami.
Na ramont para patraciła 8 160 rubloŭ (kala 2,5 tysiačy dalaraŭ).
Hanna ahučyła niekatoryja raschody. Tak, na ŭvachodnyja i mižpakajovyja dźviery pajšło 350 rubloŭ, na łaminat, padkładku, linoleum, plintusy — 400, na špalery, klej, hruntoŭku, špakloŭku — jašče 400. Za dadatkovyja ścieny (pieraharodki dsp) i bałki addali 360 rubloŭ.
Kanapa i šafa abyšlisia ŭ 1900 rubloŭ, kuchonny harnitur, elektraplita, fartuch na ścianu i chaładzilnik — u 2200.
A tak atrymałasia paśla. Skryn videa z tyktoku
Kab sekanomić na ramoncie, bolšaść rabot muž rabiŭ sam. A meblu i budaŭničyja materyjały siamja časta kuplała na «Kufary».