U Lvovie stvorać muziej, pryśviečany biełaruskim dobraachvotnikam
Pra stvareńnie ŭ Lvovie muzieja, pryśviečanaha biełaruskim dobraachvotnikam, jakija addali svaje žyćci va Ukrainie, raskazaŭ kiraŭnik dabračynnaha fondu «Vilna Biłoruś» Alaksiej Franckievič.
26.08.2024 / 16:51
Alaksiej Franckievič
«Tut, va Ukrainie, u Lvovie, my znajšli pamiaškańnie, — raskazaŭ kiraŭnik dabračynnaha fondu «Vilna Biłoruś» Alaksiej Franckievič, — i zusim chutka pačniem farmavać muziej, jaki budzie pryśviečany biełaruskim hierojam — tym, chto addaŭ svaje žyćci va Ukrainie ŭ baraćbie suprać rasijskaj impieryi, za jeŭrapiejskija kaštoŭnaści, za našu z vami svabodu.
Ja spadziajusia, što hety muziej u budučyni laža ŭ asnovu nacyjanalnaha muzieja ŭ svabodnaj i niezaležnaj Biełarusi».
Ciapier u pamiaškańni zakančvajecca ramont. U śpisie zahinułych hierojaŭ — užo bolš za 70 imionaŭ.
Akramia taho, u płanach fondu — adnaŭleńnie kursaŭ biełaruskaj movy i pracy biełaruskaj niadzielnaj škoły, jakaja isnavała ŭ Lvovie da pačatku poŭnamaštabnaha ŭvarvańnia.
U pryncypie, dadaje Alaksiej Franckievič, u biełarusaŭ va Ukrainie źjavicca jašče adna placoŭka, dzie možna źbiracca i pravodzić roznyja mierapryjemstvy i aktyŭnaści.
Połk Kalinoŭskaha chutka pryznajuć «terarystyčnaj arhanizacyjaj»
Pavieł Šurmiej, jaki zamianiaje kamandzira, raskazaŭ, što adbyvajecca ŭ pałku Kalinoŭskaha
Były namieśnik ministra abarony Polščy: Čamu b nie pačać farmavańnie Biełaruskaha lehijona ŭ Polščy?
Zahinuŭ hramadzianin Polščy, jaki zmahaŭsia na baku kalinoŭcaŭ