Rasija moža rychtavać dyviersiju na važnym vajskovym aeradromie ŭ Hiermanii
Vajskovaja baza niadaŭna ŭžo traplała ŭ naviny — praź mierkavanaje atručvańnie vady.
26.08.2024 / 17:26
Ilustracyjnaje fota: Michael Probst / AP
Rasija moža rychtavać dyviersiju na adnym z vajskovych aeradromaŭ u Hiermanii.
Hiermanija atrymała ad adnoj z zamiežnych raźviedak nadziejnyja źviestki «pra padrychtoŭčyja dziejańni da mierkavana rasijskaj dyviersii suprać bazy NATA z vykarystańniem bieśpiłotnika», paviedamlaje Bild.
Miarkujučy z usiaho, havorka idzie pra aeradrom i bazu VPS NATA ŭ Hajlenkirchienie. Paŭtara tydni tamu baza ŭžo traplała ŭ naviny: tady jana była ačeplenaja praz padazreńni ŭ dyviersii, a mienavita ŭ atručvańni pitnoj vady. Aściarohi hetyja, zrešty, nie paćvierdzilisia.
Praź niekatory čas tam ža byŭ zatrymany čałaviek, jaki sprabavaŭ praniknuć na terytoryju kazarmaŭ.
Na bazie raźmieščanyja samaloty Awacs — «latajučyja sistemy rańniaha papiaredžańnia». Jany vykarystoŭvajucca dla nazirańnia za pavietranaj prastoraj va ŭschodnich rehijonach aljansu. U vypadku ataki Awacs pavinny zahadzia paviedamić pra jaje kamandavańnie NATA.
Samaloty taksama zdolnyja navodzić na abjekty praciŭnika srodki paražeńnia i ŭdzielničać u kiravańni dziejańniami vojskaŭ.
Ryka Kryhier pa-raniejšamu zastajecca zahadkaj
Mužčyna, jaki ŭčyniŭ terakt u Hiermanii na haradskim śviacie, zdaŭsia palicyi
«Isłamskaja dziaržava» ŭziała na siabie adkaznaść za raźniu padčas fiestyvalu ŭ Hiermanii
Na naviedvalnikaŭ fiestyvalu na zachadzie Hiermanii napali z nažom. Minimum try čałavieki zahinuli