Расія можа рыхтаваць дыверсію на важным вайсковым аэрадроме ў Германіі
Вайсковая база нядаўна ўжо трапляла ў навіны — праз меркаванае атручванне вады.
26.08.2024 / 17:26
Ілюстрацыйнае фота: Michael Probst / AP
Расія можа рыхтаваць дыверсію на адным з вайсковых аэрадромаў у Германіі.
Германія атрымала ад адной з замежных разведак надзейныя звесткі «пра падрыхтоўчыя дзеянні да меркавана расійскай дыверсіі супраць базы НАТА з выкарыстаннем беспілотніка», паведамляе Bild.
Мяркуючы з усяго, гаворка ідзе пра аэрадром і базу ВПС НАТА ў Гайленкірхене. Паўтара тыдні таму база ўжо трапляла ў навіны: тады яна была ачэпленая праз падазрэнні ў дыверсіі, а менавіта ў атручванні пітной вады. Асцярогі гэтыя, зрэшты, не пацвердзіліся.
Праз некаторы час там жа быў затрыманы чалавек, які спрабаваў пранікнуць на тэрыторыю казармаў.
На базе размешчаныя самалёты Awacs — «лятаючыя сістэмы ранняга папярэджання». Яны выкарыстоўваюцца для назірання за паветранай прасторай ва ўсходніх рэгіёнах альянсу. У выпадку атакі Awacs павінны загадзя паведаміць пра яе камандаванне НАТА.
Самалёты таксама здольныя наводзіць на аб'екты праціўніка сродкі паражэння і ўдзельнічаць у кіраванні дзеяннямі войскаў.
Рыка Крыгер па-ранейшаму застаецца загадкай
Мужчына, які ўчыніў тэракт у Германіі на гарадскім свяце, здаўся паліцыі
«Ісламская дзяржава» ўзяла на сябе адказнасць за разню падчас фестывалю ў Германіі
На наведвальнікаў фестывалю на захадзе Германіі напалі з нажом. Мінімум тры чалавекі загінулі