U Rasii źjaviłasia pieršaja kałonija-kazino
FSB vyjaviła padpolnaje kazino ŭ kałonii ŭ Rastoŭskaj vobłaści.
26.08.2024 / 13:59
Nielehalnuju ihralnuju ŭstanovu prosta ŭ kałonii zasnavali źniavolenyja VK-14 u Novačarkasku, piša «Mieduza».
Siłaviki padčas rejdu znajšli ŭ źniavolenych ihralnyja karty, fiški, mabilny telefon i sim-karty. Arhanizataram kazino śledstva ličyć 30-hadovaha źniavolenaha, jaki adbyvaje pakarańnie za kradziež.
Pavodle viersii śledstva, jon vioŭ śpisy hulcoŭ, zapisvaŭ vyniki partyj i pieravodziŭ hrošy pieramožcam.
Pa spravie ab niezakonnaj arhanizacyi azartnych hulniaŭ jamu pahražaje da dvuch hadoŭ kałonii.