Jak siłavik dapamahaŭ pieradavać aŭtarytetu pielmieni ŭ kałoniju. A toj u adkaz navioŭ paradak
U novym vypusku TOKu pradstaŭnik abjadnańnia byłych siłavikoŭ «Biełpoł» Uładzimir Žyhar zhadaŭ cikavy momant sa svajoj słužby ŭ siłavych orhanach.
28.08.2024 / 09:00
Uładzimir Žyhar. Skryn videa: TOK_talk / YouTube
Uładzimir Žyhar dva hady paśla vučebnaha centra MUS pracavaŭ u izalatary časovaha ŭtrymańnia Mazyra. Pa jaho słovach, ź viaźniami jon byŭ zaŭsiody ŭ dobrych adnosinach: «Staraŭsia stavicca da čałavieka maksimalna pa-čałaviečy. (…) I ludzi, da jakich ty tak stavišsia, abaviazkova adpłaciać tabie ŭzajemnaściu».
Były siłavik zhadaŭ adno situacyju:
«Siadzieŭ adzin dastatkova aŭtarytetny pa mierkach Mazyra čałaviek. My ź im vielmi dobra ładzili. Była pieradača ad baćkoŭ. A ŭ joj pielmieni. Takoha nielha, bo niama ŭmoŭ dla zachoŭvańnia. Kali jon adrazu nie źjeść, to jany mohuć sapsavacca i čałaviek moža atrucicca».
Ale Žyhar pieradaču ź pielmieniami ŭziaŭ. «Ja zachodžu, kažu: «Tut pielmieni. Ty ich źješ prosta zaraz, kab, kali ja budu viartać sumku baćkam, ja ŭpakoŭku tudy nazad pakłaŭ». I jon heta zrabiŭ».
Pa słovach Žyhara, adnojčy jamu daviałosia źviarnucca da hetaha aŭtaryteta pa dapamohu:
«U IČU zaviali adnaho prablemnaha čałavieka, i jon pačaŭ trochi šumieć. Ja padychodžu da hetaha [aŭtaryteta] i havaru: «Ty možaš vyrašyć pytańnie, kab usio było cicha siońnia?» Jon skazaŭ, što biez prablem. Choć jamu pa ich paniaćciach było nielha sa mnoju kamunikavać».
Paśla hetaj razmovy, jak śćviardžaje Žyhar, noč prajšła spakojna.
Hladzicie vypusk całkam:
Žyhar nazvaŭ troch čałaviek, jakim najbolš daviaraje Łukašenka
Žyhar raskazaŭ, jak achoŭvaŭ Łukašenku
Pradstaŭnik «Biełpoła» raskazaŭ, ci jość siarod apazicyi ahienty śpiecsłužb