Adnaviŭ pracu sajt «Biełsata»
Aficyjnaja internet-staronka «Biełsata» belsat.eu, jakaja ad 1 žniŭnia była nieaktyŭnaja z techničnych pryčynaŭ, 26 žniŭnia adnaviła svaju pracu.
26.08.2024 / 13:09
Fota: Biełsat
Pakul na staroncy nie adnoŭleny ŭvieś raniejšy funkcyjanał, ale kamanda žurnalistaŭ i technikaŭ pracuje nad raźviazańniem hetych pytańniaŭ.
«Pastupova budziem palapšać i napaŭniać, adnaŭlać raniejšuju funkcyjanalnaść. U dadzienaj situacyi heta kaštavała i nadalej kaštuje šmat vysiłkaŭ, za jakija ja ščyra ŭdziačny maim kalažankam i kaleham z «Biełsata», i adpaviednych słužbaŭ TVP», — adznačyŭ vykanaŭca abaviazkaŭ dyrektara «Biełsata» Alaksiej Dzikavicki.
Prykładna praz tydzień maje viarnucca ŭ pracu taksama ruskamoŭny partał «Vot Tak».
Aproč taho, idzie praca nad viartańniem siervisu pravierki biełaruskaj arfahrafii «Dobrapis».