У Гомельскай вобласці пачаліся двухтыднёвыя вучэнні тэрабароны
З 26 жніўня па 6 верасня пад кіраўніцтвам начальніка ўпраўлення тэрытарыяльнай абароны — намесніка начальніка Генштаба пройдзе другі этап комплекснай праверкі органаў кіравання тэрытарыяльнай абароны Гомельскай вобласці.
26.08.2024 / 09:38
Фота: Мінабароны
Мэта праверкі — ацаніць узровень падрыхтоўкі тэрытарыяльнай абароны вобласці, паведамляе Мінабароны ў сваім тэлеграм-канале.
Таксама плануецца вызначыць эфектыўнасць работы службовых асоб райвыканкамаў і ваенкаматаў у пытаннях фарміравання тэрытарыяльных войскаў і прымянення сіл тэрытарыяльнай абароны.