Mužčyna z rybałki trapiŭ u reanimacyju z mocnymi apiokami
Baćka ŭziaŭ na rybałku małaletniaha syna i vypadkova zakinuŭ vudu na vysakavoltnyja pravady. Paciarpieli abodva.
25.08.2024 / 16:19
Incydent adbyŭsia 24 žniŭnia na voziery Sałdackaje ŭ Babrujskim rajonie, paviedamili ŭ MNS.
U vyniku 44-hadovy mužčyna atrymaŭ surjoznyja apioki ad elektratraŭmy. Apioki taksama atrymaŭ jahony 8-hadovy syn, jaki ŭ toj momant znachodziŭsia pobač.
Paciarpiełyja byli dastaŭleny ŭ balnicu: baćka znachodzicca ŭ reanimacyi z apiokami 1-4-j stupieni, a chłopčyk nakiravany na abśledavańnie. Pa infarmacyi MNS, vyratavalnyja słužby na miesca zdareńnia nie vyklikalisia.