Мужчына з рыбалкі трапіў у рэанімацыю з моцнымі апёкамі
Бацька ўзяў на рыбалку малалетняга сына і выпадкова закінуў вуду на высакавольтныя правады. Пацярпелі абодва.
25.08.2024 / 16:19
Інцыдэнт адбыўся 24 жніўня на возеры Салдацкае ў Бабруйскім раёне, паведамілі ў МНС.
У выніку 44-гадовы мужчына атрымаў сур'ёзныя апёкі ад электратраўмы. Апёкі таксама атрымаў ягоны 8-гадовы сын, які ў той момант знаходзіўся побач.
Пацярпелыя былі дастаўлены ў бальніцу: бацька знаходзіцца ў рэанімацыі з апёкамі 1-4-й ступені, а хлопчык накіраваны на абследаванне. Па інфармацыі МНС, выратавальныя службы на месца здарэння не выклікаліся.