«Isłamskaja dziaržava» ŭziała na siabie adkaznaść za raźniu padčas fiestyvalu ŭ Hiermanii
Napad adbyŭsia pozna ŭviečary 23 žniŭnia ŭ niamieckim horadzie Zolinhien (Paŭnočny Rejn — Viestfalija). Tam prachodziŭ fiestyval. U vyniku nažavoj ataki try čałavieki zahinuli, vosiem atrymali ranieńni, piaciora ź ich paranienyja surjozna.
24.08.2024 / 22:09
Skrynšot videa Bild
Pavodle zajavy navinavaha kanała terarystyčnaj arhanizacyi, isłamist ździejśniŭ napad u jakaści pomsty za «musulman u Palestynie». «Napadnik na chryścijanski schod u horadzie Zolinhien u Hiermanii ŭčora byŭ sałdatam Isłamskaj dziaržavy», — havorycca ŭ paviedamleńni kanała.
Pavodle apošnich aficyjnych źviestak niamieckich uładaŭ, piša Bild, złačyniec dahetul nie złoŭleny. Adnak stała viadoma, što palicyjanty z kamandavańnia śpiecyjalnych apieracyj (SEK) šturmavali žyllo dla biežancaŭ. Pavodle niepaćvierdžanaj pieršapačatkovaj infarmacyi, byŭ zatrymany siryjec.
Napadnik padčas ataki, imavierna, kryčaŭ «Ałachu Akbar» (u pierakładzie «Boh vialiki»).
Paviedamlajecca, što adzin z paranienych taksama skazaŭ, što jon «viedaŭ napadnika z Zolinhiena» i što jon byŭ naviedvalnikam miascovaj miačeci.
Na naviedvalnikaŭ fiestyvalu na zachadzie Hiermanii napali z nažom. Minimum try čałavieki zahinuli