«Pravodzicca abjektyvizacyja faktaŭ ź internetu». Minzdaroŭja prakamientavała śmierć dziciaci ŭ Starych Darohach
Pryčynu śmierci 10-hadovaj dziaŭčynki ŭsio jašče vyśviatlajuć.
23.08.2024 / 15:26
Ilustracyjnaje fota
Ministerstva achovy zdaroŭja pravodzić rasśledavańnie abstavinaŭ śmierci 10-hadovaj dziaŭčynki ŭ balnicy ŭ Starych Darohach.
Nahadajem, što dzicia špitalizavali ŭviečary 20 žniŭnia ŭ zdavalniajučym stanie. Adnak praz try hadziny ŭ dziaŭčynki spyniłasia serca. «Nakont śmierci 10-hadovaj pacyjentki ŭ staradarožskaj CRB — hrupaj ekśpiertaŭ viedamstva pravodzicca miedycynskaje rasśledavańnie, vyvučajucca ŭsie materyjały spravy.
Taksama pravodzicca abjektyvizacyja ŭsich faktaŭ, vykładzienych u internet-prastory i vyjaŭlenych rabočaj hrupaj na hety momant», — havorycca ŭ paviedamleńni Ministerstva achovy zdaroŭja.
Kančatkovyja vysnovy buduć zroblenyja pa vynikach pracy kamisii i paśla zaviaršeńnia ŭsich łabaratornych daśledavańniaŭ. U Ministerstvie achovy zdaroŭja abiacajuć, što vypadak u abaviazkovym paradku budzie razhledžany na lačebna-kantrolnym saviecie.
U Starych Darohach pamierła 10-hadovaja dziaŭčynka. Minzdaroŭja pravodzić pravierku