Ukraincy sprabavali prarvacca ŭ Klimaŭski rajon Branskaj vobłaści — jon miažuje ź Biełaruśsiu
Z-vajenkory paviedamlajuć, što ŭ rajonie dziejničajuć ukrainskija DRH.
21.08.2024 / 22:54
Bolš za 200 ukrainskich vajskoŭcaŭ dvojčy sprabavali zajści na terytoryju RF u rajonie pasiołka Zabrama Klimaŭskaha rajona Branskaj vobłaści, pišuć rasijskija ŚMI, źviazanyja z uładami. Try BMP i bajcoŭ zaŭvažyli pablizu miažy prykładna ŭ 19:10. Praz paŭhadziny bajoŭ (da 19:40) USU adstupili z stratami. Da 20:30 pačałasia druhaja chvala ataki z padmacavańniem. Prykładna ŭ 21:00 DRH adstupiła, śćviardžajuć u Maskvie.
Zaraz ujezd u Klimaŭski rajon pierakryty błokpastami.
Z-vajenkory paviedamlajuć, što ŭ rajonie dziejničajuć ukrainskija DRH. Na ich dumku, USU chočuć błakavać častku rasiejska-biełaruskaj miažy.
Paćvierdziŭ bajavyja dziejańni na miažy hubiernatar Branskaj vobłaści Alaksandr Bahamaz. Jon adrapartavaŭ, što rasijskija vojski adbili ataku.
Ukraincy apieratyŭnyja padziei ŭ Kurskaj vobłaści nijak nie kamientujuć.
Klimaŭski rajon znachodzicca na styku miežaŭ Rasii, Biełarusi i Ukrainy.
Ukrainskija machlary raźviali z-kanał «Dva majory» na ryštunak dla USU
Ukraincy prasoŭvajucca da rajcentra Vialikaje Sałdackaje — kurskija pabliki
Jak pamyłka hienierała zrabiła miažu Rasii ŭraźlivaj