Na vyjeździe ź Biełarusi novyja płakaty — jany papiaredžvajuć, što ŭ Polščy ŭłady abmiažoŭvajuć svabodu schodaŭ
Taksama na biłbordach skazana, što palaki nibyta zabylisia svaju historyju, a zamiest traktaroŭ pa palach tam jeździać tanki.
21.08.2024 / 14:54
Fota: #1riehion
U punkcie propusku «Brest» na miažy z Polščaj źjavilisia novyja prapahandysckija płakaty.
Biłbordy «Sardečna zaprašajem u Biełaruś» źviernutyja da tych, chto zajazdžaje ŭ krainu. Na ich na polskaj i anhlijskaj movie paznačana, što ŭ Biełarusi ŭšanoŭvajuć pamiać pra Druhuju suśvietnuju, nadajuć asablivuju ŭvahu ekałohii i raźvivajuć navuku. Fota apublikavaŭ kanał #1riehion.
Fota: #1riehion
Jašče niekalki płakataŭ źviernutyja da tych, chto jedzie ŭ Polšču.
«Pakidajučy Biełaruś, vy jedziecie ŭ krainu, dzie ŭrad parušaje prava hramadzian na svabodu schodaŭ», — havorycca na adnym ź biłbordaŭ pra Polšču.
Na inšym płakacie skazana, što «Polšča zabyłasia svaju historyju», jašče na adnym — što ŭ Polščy «pa palach zamiest traktaroŭ jeździać tanki».
Fota: #1riehion
Fota: #1riehion
Pa čyjoj inicyjatyvie ŭstalavali novyja biłbordy, nieviadoma.