Mahutnaja zaleva ledź nie zmyła viosku ŭ Hrodzienskim rajonie
Napiaredadni pa zachodniaj častcy Biełarusi prakaciłasia niepahadź. Na Haradzienščynie razmyła darohi, zatapiła damy, paškodžany adzin z mastoŭ.
21.08.2024 / 12:50
20 žniŭnia na Hrodzienskuju vobłaść abrynułasia mahutnaja zaleva z navalnicaj. Asabliva surjozna paciarpieli vioscy ŭ Hrodzienskim rajonie.
Tak, viosku Baranava ŭ pramym sensie ledź nie zmyła daždžom. Vidavočcy raspaviadajuć, što praz zalevu ŭtvaryŭsia mahutny patok vady, jaki źmiataŭ usio na svaim šlachu, u tym liku altanki i płaty.
Uzrovień vady padymaŭsia da voknaŭ. Mnohija damy surjozna padtapiła, a ŭnutry abstanoŭka byccam paśla ziemlatrusu. Sama vioska pieratvaryłasia chutčej u voziera, piša Newgrodno.
Foto: Newgrodno
Pa danych abłvykankama, u vobłaści padtapiła 33 terytoryj pryvatnych žyłych damoŭ, u tym liku ŭ Hrodnie, a taksama ŭ vioskach Łaša i Michalina. U Łašy ŭ vyniku vychadu ź bierahoŭ raki ŭzrovień vady na pryvatnych padvorkach dasiahaŭ 60 santymietraŭ.
Foto: Newgrodno
Foto: Newgrodno
Kala vioski Kuncaŭščyna ŭ vyniku niepahadzi byŭ paškodžany most, prajezd pa im pakul niemahčymy.