Supracoŭnika rajvykankama ź Vierchniadźvinska buduć sudzić pa spravie «Kadravaha reziervu dla novaj Biełarusi»
Alaksieja Kisialova zatrymali 13 sakavika i źniali «pakajalnaje videa».
20.08.2024 / 11:43
U Viciebskim abłasnym sudzie 28 žniŭnia raspačniecca sud nad 34-hadovym inśpiektaram siektara sportu i turyzmu Vierchniadźvinskaha rajvykankama Alaksiejem Kisialovym, piša «Viasna».
Pa spravie inicyjatyvy «Kadravy rezierv dla novaj Biełarusi» jaho abvinavačvajuć pavodle č. 1 art. 361-4 KK (sadziejničańnie ekstremisckaj dziejnaści) i art. 361-5 KK (prachodžańnie navučańnia ci inšaj padrychtoŭki dla ŭdziełu ŭ ekstremisckaj dziejnaści).
Heta tolki druhi sud u Biełarusi pavodle art. 361-5 KK — hety artykuł byŭ uviedzieny ŭ Kryminalny kodeks tolki ŭ 2021 hodzie. Spravu ŭ zakrytym režymie budzie razhladać Juryj Urban.
Alaksieja Kisialova zatrymali 13 sakavika — ź im źniali «pakajalnaje videa». Na kamieru mužčynu kazaŭ, što źjaŭlajecca «vučniem Kadravaha reziervu dla novaj Biełarusi», i ŭ dačynieńni da jaho raspačataja kryminalnaja sprava.