«Hiermanija ŭžo padvodziła śviet da prorvy. Kancler Šolc, nie dajcie hetamu paŭtarycca». Kasparaŭ vykupiŭ staronku ŭ najbolšym niamieckim vydańni
13-y čempijon śvietu pa šachmatach vykupiŭ u Bild cełuju staronku rekłamy, raźmiaściŭšy na joj fatahrafiju mahił ukrainskich vajskoŭcaŭ i zaklik da kanclera Hiermanii Ołafa Šolca dać Ukrainie nieabchodnuju dla jaje vajennuju dapamohu.
20.08.2024 / 06:59
«Hiermanija ŭžo padvodziła śviet da prorvy. Kancler Šolc, nie dajcie hetamu paŭtarycca. Dajcie Ukrainie tuju vajskovuju dapamohu, u jakoj jana sapraŭdy maje patrebu», — taki nadpis raźmieščany pad fatahrafijaj, piša Rasijskaja słužba Radyjo Svaboda.
Bild
Abviestka apublikavanaja na fonie abmierkavańnia mahčymaj pastanovy ŭrada Hiermanii skaracić vajskovuju dapamohu Ukrainie.
Ministr finansaŭ FRH Kryścijan Lindnier užo nakiravaŭ ministru abarony Barysu Pistoryusu list z prośbaj nie ŭchvalać dalejšyja zakazy na kuplu ŭzbrajeńniaŭ u pramysłovych pradpryjemstvaŭ, śćviardžajecca ŭ materyjale Frankfurter Allgemeine Sonntagszeitung.
Hary Kasparaŭ u 2005 hodzie abviaściŭ pra zaviaršeńnie šachmatnaj karjery, paśla čaho zaniaŭsia palityčnaj dziejnaściu ŭ Rasii. U 2013 hodzie źjechaŭ z Rasii, bajučysia pieraśledu z boku ŭładaŭ. Znachodziačysia za miažoj, były šachmatyst zasnavaŭ apazicyjny Forum svabodnaj Rasii, a paśla pačatku vajny va Ukrainie staŭ adnym z zasnavalnikam Antyvajennaha kamiteta Rasii.
Bild — najbujniejšaja niamieckaja ilustravanaja hazieta z nakładam zvyš miljona asobnikaŭ. U elektronnym vyhladzie jaje čytajuć zvyš 20 miljonaŭ čałaviek u dzień.
Hiermanija zamarozić dadatkovuju dapamohu Ukrainie ŭ 2025 hodzie?