Stała viadoma, kolki jeŭrapiejcaŭ naviedała Biełaruś pa pašyranym biaźvizie
U Respublikanskim sajuzie turystyčnaj industryi padličyli, kolki žycharoŭ Jeŭropy naviedała Biełaruś za try tydni pašyranaha biaźvizu.
19.08.2024 / 15:00
Za pieršyja try tydni dziejańnia pašyranaha biaźvizu Biełaruś naviedali 1800 čałaviek ź jeŭrapiejskich krain, biez uliku Polščy, Litvy i Łatvii.
Heta 11% ad ahulnaj kolkaści jeŭrapiejskich turystaŭ. Astatnija — heta jak raz žychary susiednich ź Biełaruśsiu krain Jeŭrasajuza, dla jakich biaźvizavy ŭjezd dziejničaje daŭno.
Usiaho za try tydni Biełaruś, pavodle aficyjnych źviestak, naviedali 17 tysiač turystaŭ ź Jeŭropy.
Turapieratary adznačajuć, što patok turystaŭ daloki ad taho, što byŭ da 2020 hoda — tady kampanii prymali pa piać aŭtobusaŭ u tydzień z sumiežnych krain ES. Ciapier ža, navat niahledziačy na biaźviz, turapieratary vymušanyja pracavać ź indyvidualnymi turystami.
Z 19 lipienia ŭ Biełarusi dziejničaje biaźvizavy ŭjezd dla hramadzian 38 jeŭrapiejskich krain. Hramadzianie hetych dziaržaŭ mohuć znachodzicca ŭ Biełarusi nie bolš za 30 dzion zapar i nie bolš za 90 dzion za paŭhoda.