Aŭtobus «Maskva-Brest» trapiŭ u avaryju — niekalki čałaviek u balnicy
Avaryja zdaryłasia 18 žniŭnia kala šaści ranicy.
18.08.2024 / 10:52
Fota tut i dalej: MUS
Na aŭtadarozie M1 «Brest — Minsk — miaža Rasijskaj Fiederacyi» ŭ Dziaržynskim rajonie kiroŭca aŭtobusa mižnarodnych znosin «Maskva-Brest», pa papiaredniaj infarmacyi, nie spraviŭsia z kiravańniem. Jon źjechaŭ u kiuviet i najechaŭ na prydarožnyja drevy.
U sałonie znachodzilisia dva kiroŭcy i 46 pasažyraŭ. Try čałavieki špitalizavanyja.
Na miescy zdareńnia pracuje śledča-apieratyŭnaja hrupa, pryčyny i ŭmovy DTZ vyjaŭlajucca, paviedamlaje MUS.
U Minzdaroŭi paviedamili, što ŭsiaho ŭ vyniku DTZ paciarpieli 9 čałaviek. Adzin z paciarpiełych, špitalizavany ŭ Dziaržynskuju CRB, znachodzicca ŭ adździaleńni aniestezijałohii i reanimacyi. Stan aceńvajecca jak siaredniaj ciažkaści.