Na rasijskaj Kamčatcy pačałosia vyviaržeńnie vułkana
La bierahoŭ Kamčatki (Rasija) adbyŭsia ziemlatrus mahnitudaj 7.
18.08.2024 / 08:02
Fota: rasijskija telehram-kanały
Vułkan Šyviełuč na Kamčatcy pačaŭ vyviarhacca. Jon vykinuŭ popieł na vyšyniu 8 km nad uzroŭniem mora, paviedamlaje Instytut vułkanałohii i siejsmałohii Dalokaŭschodniaha adździaleńnia Rasijskaj Akademii navuk.
Hety vułkan znachodzicca ŭ 50 km na poŭnač ad pasiołka Klučy Uść-Kamčackaha rajona i 450 km ad Pietrapaŭłaŭska-Kamčackaha.
Byŭ uviedzieny čyrvony kod avijaniebiaśpieki. Navukoŭcy papiaredzili, što aktyŭnaść vułkana niebiaśpiečnaja dla miascovych i mižnarodnych avijapieravozak.
Vyviaržeńnie vułkana pačałosia nieŭzabavie paśla ziemlatrusu na Kamčatcy mahnitudaj 7. Epicentr ziemlatrus — u Cichim akijanie, u 108 km ad Pietrapaŭłaŭska-Kamčackaha.
Vułkan Šyviełuč. Fota: Dalokaŭschodniaje adździaleńnie Rasijskaj Akademii navuk.
MNS paviedamlała, što ziemlatrus adčuvaŭsia ŭ Pietrapaŭłaŭsk-Kamčackaj haradskoj akruzie, Jalizaŭskim, Uść-Kamčackim rajonach, Vilučynskaj haradskoj akruzie siłaj da 5-7 bałaŭ. U viedamstvie dadali, što pahrozy cunami niama.