USU paškodzili jašče adzin most cieraź Siejm u Kurskaj vobłaści
USU paškodzili jašče adzin most cieraz raku Siejm — u vioscy Zvanaje Hłuškoŭskaha rajona Kurskaj vobłaści. Pra heta pišuć rasijskija i ŭkrainskija telehram-kanały. 16 žniŭnia, nahadajem, avijaŭdaram byŭ źniščany most u Hłuškovie.
18.08.2024 / 07:37
Paškodžany most praź Siejm. Fota: telehram-kanały
Na tym učastku raki ŭsiaho jość try masty. Pry ich źniščeńni terytoryja Kurskaj vobłaści, što znachodzicca na poŭdzień ad Siejma, trapić u izalacyju, rasijskim vojskam budzie ciažka jaje abaraniać.
«Takim čynam, u Hłuškoŭskim rajonie zastaŭsia adziny most u vioscy Karyž, paśla vidavočnaha chutkaha źniščeńnia jakoha zabieśpiačeńnie hrupoŭki US RF (u pryvatnaści, pryhraničnaha Ciotkina) laža na pantony i łodki. Adnak, u vypadku surjoznaha cisku praciŭnika, takich šlachoŭ zabieśpiačeńnia moža i nie chapić», — piša rasijski telehram-kanał «Vajskovy infarmatar».