Što adbyvajecca ŭ Kurskaj vobłaści pa stanie na ranicu suboty
Prezident Ukrainy siońnia pryniaŭ z tradycyjnym dakładam hałoŭnakamandujučaha USU Alaksandra Syrskaha. Pra vyniki razmovy Uładzimir Zialenski tezisna paviedamiŭ u fejsbuku.
17.08.2024 / 13:53
Źniščany rasijski tank u rajonieje Sudžy. Fota: AP Photo
«Pieršaje — Tarecki i Pakroŭski napramki [na Danbasie]. Za sutki dziasiatki rasijskich šturmaŭ našych pazicyj. Ale našy voiny i padraździaleńni robiać usio dla źniščeńnia akupanta i adbićcia šturmaŭ. Situacyja kantralavanaja.
Druhoje — apieracyja ŭ Kurskaj vobłaści. Na siońniašniuju ranicu jość papaŭnieńnie abmiennaha fondu dla našaj dziaržavy. Dziakuj usim sałdatam i kamandziram, jakija biaruć rasijskich vajskoŭcaŭ u pałon i hetym nabližajuć vyzvaleńnie našych voinaŭ i cyvilnych, jakija ŭtrymlivajucca Rasijaj.
Taksama hienierał Syrski dałažyŭ ab umacavańni pazicyj našych sił na Kurščynie i pašyreńni stabilizavanaj terytoryi.
Treciaje — zabieśpiačeńnie našych dziejańniaŭ zbrojaj i mocnymi rašeńniami. Pracujem nad novymi pakietami padtrymki dla našaj dziaržavy ad partnioraŭ. Vyznačajem pryjarytetnyja punkty. Hałoŭnaje — abmiežavańnie rasijskaha nastupalnaha patencyjału i naša dalnabojnaść. Rychtujem adpaviednyja daručeńni ŭkrainskim dypłamatam», — napisaŭ Uładzimir Zialenski.
Ukraina adkazała na abvinavačvańni ŭ płanach nibyta atakavać Zaparožskuju i Kurskuju AES
Z‘javiłasia VIDEA źniščeńnia masta ŭ Kurskaj vobłaści
Ukrainskija vojski prasunulisia ŭ Kurskaj vobłaści jašče na 1-3 km — Syrski