Kiraŭnika vybarčaj kamisii, jakaja ŭ 2020 falsifikavała vybary, sudziać za chabar. Jamu pahražaje da 10 hadoŭ
Valeryj Radčanka niekalki razoŭ byŭ u vybarčych kamisijach, a ŭ 2020-m hodzie na jahonym učastku №34 vybary byli jaŭna sfalsifikavanyja. Ciapier jaho sudziać — ale za inšaje.
17.08.2024 / 09:00
Valeryj Radčanka. Fota: SB
Valeryju Radčanka 65 hadoŭ. Jahonaje imia źjaviłasia ŭ raskładach sudoŭ — z dapamohaj prajekta Digital intelligence team i bazaŭ «Kibierpartyzanaŭ», my paćvierdzili, što heta mienavita jon.
Radčanka pracavaŭ na pradpryjemstvie «Makrador» z 90-ch. Pačynaŭ inžynieram i daros da namieśnika dyrektara pa kamiercyjnych pytańniach. Heta vielmi bujnoje pradpryjemstva, jakoje vyrablaje budaŭničyja materyjały, śpiecyjalizujecca na asfaltabietonnych sumiesiach.
Radčanka byŭ u vybarčych kamisijach jak minimum trojčy — u 2018, 2019 i 2020 hadach. U 2020-m jon uznačalvaŭ kamisiju №34 u minskich Šabanach. Zhodna ź infarmacyjaj z płatformy «Hołas», vybary tam byli sfalsifikavanyja — za Śviatłanu Cichanoŭskuju pra prahałasavaŭ 341 čałaviek (z fota — 173), a ŭ vynikovym pratakole było ŭsiaho 162 hałasy ŭ jaje padtrymku.
Skrynšot z płatformy «Hołas»
Sud nad Radčankam pačaŭsia ŭčora. Jaho vinavaciać u «atrymańni chabaru ŭ bujnym pamiery» (č. 2 art. 430 KK). Jamu pahražaje ad troch da dziesiaci hadoŭ kałonii.
Aryštavanaha za chabar top-mieniedžara Biełčyhunki zvolnili pa karupcyjnym artykule
Hałoŭnaha enierhietyka minskaha pradpryjemstva buduć sudzić za chabar u 1400 rubloŭ